Tasveer-E-Yaar

Maroof Peer

Khayaal-e-yaar ki tasveer hu mai

Ke apne yaar ki Tanveer hu mai

Jo dekha yaar ne Roz-e-azal me

Usi hi khwab ki taabir hu mai

Mujhe samjho na tum ek masht-e-khaaki

Saraapa noor ki tasveer hu mai

Khird wale ulajh kar reh gaye hai

Junoon-e-ishq ki tafseer hu mai

Na wo mujh se juda na me alag hu

Usi zanjeer ki zanjeer hu mai

Kaha Mansoor ne wo me nahi hu

Mere dildaar ki takreer hu mai

Hadees mann araf ka hu khulasa

'Ha' apne aap me jaagir hu me

Mujh hi se ibteda aur inteha hai

Hayaat-o-maut ki taamir hu mai

Hai sar par peer Fehmi saaya afgun

Ke paaye khak ki akseer hu mai

Badalti raheti hai taqdeer Maroof

Har ek shaye me chhupi tadbeer hu mai