Kafir Sanam

Kafir sanam ka chahera ye har aan samne hai

Shaan bataa me jalwa-e-rehmaan samne hai

Ka'aba kalesaa mandir wa aatish kadah sabhi

Ta'amir ek qalb hai irfaan samne hai

Masjid me ho azaan ya mandir me kuch bhajan

Dono makaan ka maalik sultaan samne hai

Roshan dimag wa dil hue in ke karam se aaj

Ma'eraj bandagi hai ye subhaan samne hai

Muddat se phir raha hu raheta hu apni dhun me

Jaane khuda kahaa hai ye insaan samne hai

Fikr-o-nazar ko masti ye Fahemi piya ne bakhshi

Sabr-o-karaar haasil imaan samne hai

Maroof peer Fehmi to hai Mazhar-e khuda

Parwaz-e-bekhudi hai to pahechaan samne hai

Peer Fehmi, Peer Maroof