Jashne peer Aadil

Sarkar Peer Adil Dome

Ghaus piyaa ke noore nazar Khwaja piyaa ke saaye

Mere soye bhag jagaye mere peer Aadil hai aaye

Allahu ka jaam sab ko nazro se pilaaye

Zikr-e nabi or Zikr-e- khuda se dam ko hai sajaaye

Bando ko ek pal me hi maulaa se milaye mere peer Aadil hai aaye

Ghar Ghar me ishq nabi ki shamma ko hai jalaaye

Murda  dil  murda  nafas  ko  pal  me  hai  jilaaye

 Ghaus piyaa ki nisbat se hum sab ko woh mehkaye mere peer Aadil hai aaye

Sabme mehenga sabme sasta peer ka maikhana

Peer ke haato me hai qudrat ka khazana

Peer ke kadmo me hi jaan ko lutaye mere peer Aadil hai aaye

Kon khuda hai kon nabi hai peer ne batlayaa

Raaze khafi ko raaze jali ko peer ne sunayaa

Peer ke hi sadqe me hum raaz ko hai paaye mere peer Aadil hai aaye

Peer nabi hai peer khuda hai peer hai kaaba kiblaa

Meem ki ghunghat me hai peer ka har jalwa

Peer ka jalwa hi ab dil ko hai lubhaye mere peer Aadil hai aaye

Kon khuda hai kaun juda hai nukte ko samjho

Takte ko takta nahi hai takte ko samjho

Nukte ka raaz ye peer hi bataye mere peer Aadil hai aaye

Shaher-e bijaapur me ye dhoom machi hai

Gumbad pe noor wali chadar ye tani hai

Mureed saare jhum ke aaj ye gaaye mere peer Aadil hai aaye

Sandal me pote ke apne karim-ul-allah aaye

Jashn-e chiraagaa karne ko Quadir allah hai aaye

Mehtaab Allah bete ka rutba badhaye hai mere peer Aadil hai aaye

Fehmi piya ke peer ki ye shaadi rachi hai

Poto me dhoom hai to beto me khushi hai

Saare mureed peer ki doli hai sajaaye mere peer Aadil hai aaye

Maroof apne dada ke sandal me chalenge

Peer mughaa ke rang me dil ko rangenge

har saal hum peer ka jashn manaaye mere peer Aadil hai aaye

Peer Adil & Mehtaballah