Samajhna hi mushkil ye raaz ajab hai
Khuda ism hai aur banda laqab hai
Na samjhe moumma abhi tak malaaik
Hai zaahir me Aadam to baatin me rab hai
Tha ganj-e khafi me chhupa noor Ahmed
Huaa kun se zaahir ye raaz gazab hai
Nafakh kah ke dakhil huaa jab jasad me
Kaye Qudsiya sar baa sajda adab hai
Huaa Wahdahu se Lahu Abdahu me
Azl me tha jaise wahi aaj ab hai
Khuda tukham hai to ye banda shajar hai
Ye zaahir me banda wo baatin me rab hai
Na banda khuda hai siwa peer Fahemi
Tajassus me iske zabaan band lab hai
Azal me thi jo zaat zulmat me Maroof
Wahi noor-e-aazam ujaale me ab hai
No comments:
Post a Comment