 |
| Maroof Peer |
Dil me nazar me naksha jamane ki dair hai
Dum ko musannifa dil ko jilane ki dair hai
Khul jaayega muamma mann wa tu ka aaj hi
Anta ana ka parda uthane ki dair hai
Ye faani boot hai aaj hi mit jaayenge sabhi
Raaz-e- ilaaha khud me hi paane ki dair hai
Aajayega samajh me khudi aur khuda ka raaz
Dast-e yad Allah aane ki dair hai
Thokar se jee uthenge ye murde bafazl-e-haq
Shaan khudi khuda me samaane ki dair hai
Jal jaaye aasman wo zameen ek aan me
Aahon me apni aag lagaane ki dair hai
Hote hai peer Fahemi se taa band-e chiraag
Mahefil me rang inko jamane ki dair hai
Tasveer-e-yaar aayegi Maroof saamne
Khud ko nazar ke saamne aane ki dair hai
No comments:
Post a Comment