 |
| Peer Maroof, Peer Fehmi |
Mohammed mustafa ki bolti tasvir layaa hu
Meri har saas me Allah ki tehrir layaa hu
Amanat hai khilafat hai nabuwat hai wilaayat hai
Chupa kar ganje makfi seene me tanveer layaa hu
Khulasa mann araf ka ho gaya mairaj me ja kar
Use didah nashi ki didni taasir layaa hu
wohi nukta hu jis me zam hua Quran ka kuraah
Harf-e makhzine irfaan ki tafsir layaa hu
Alif ka takham Allah ne lgayaa laa makaa me jab
kehlaa adam safi Allah wohi taamir layaa hu
Chirage mann araf ko haat me le kar zara dekho
Musauvir jis me rehta hai wohi tasvir layaa hu
hamara silsila hai Qadri aur chistiya piyara
Nabi ki gaus ki khwaja ki ye zanjir layaa hu
hazaro shama roshan ho gayee hai peer Fehmi se
Is shamm-e khuda dani se kuch tanvir layaa hu
Batao ishq kya hai husn kya hai noor kya Maroof
Hazaaro raaz dil me pechidah dilgir layaa hu
No comments:
Post a Comment