BISMILLAH

Maroof Peer

Shuru ‘Be’ se kalam Bismillah
Raz-e-haq ka muqaam Bismillah

Jo bhi dilse padega Bismillah

Is pe  dozak  haram Bismillah

Meri rag rag me hai nasha yaaro

Pee liya jabse jaam Bismillah

Baksh de baksh de mere maula

Mile jannat mukaam Bismillah

Mere maula tu sabko nek bana

Nek ho sab ke kaam Bismillah

“Be” se qaalu bala ko yad karo

Hai ye pehla kalam Bismillah

Kyu na uske banege bigde kaam

Jo pade subah-o-shaam Bismillah

Peer Maroof

Baa yazeed ko ye humne kahte suna

Aarifo ka hai naam Bismillah

Bheje mehboob par gulamo ne

Ho darud-o-salaam Bismillah

Peer Fehmi ke haato me mehshar me

Mile kausar ka jaam Bismillah

Dua dil se karo Maroof

Sab pe rehmat ho aam Bismillah

Hamd Sharif

Kabatullah

  

Teri zat-e-paq hai aye khuda teri shaan jalle jalalahu,

Koi kya kare hamd-o-sana teri shaan jalle jalalahu,

Koi kehta tujhko Ram hai koi leta allah naam hai,

Tu hi sab ka hai maalik khuda teri shaan jalle jalalahu,

Jise chahe apna banaye to jise chahe dar dar phiraye tu,

Tere dar pe hai shaah-o-gada teri shaan jalle jalalahu,

Tu hi arsh pe jalwa nashi tuhi farsh pe parda nashi,

Tu hi charsoo jalwa numa teri shaan jalle jalalahu,

Koi banda tera amir hai koi dar ka tere faqir hai,

Tu hi badsha hai jahaan ka teri shaan jalle jalalahu,

Fehmi piya ka ye dar mila jaise khuda ka wo ghar mila ,

Mila peer se hi muddua teri shaan jalle jalalahu ,

Maroof ki rakh tu laaj ko ruswa na kar mohtaj ko,

Mera kaun hai tere siva teri shaan jalle jalalahu,

NAATE MOHAMMED SALLALLAHO ALAIHE WASALLAM

Noor-e-Mohammed noore khuda hai sallallaho alaihe wasallam,

Mohammed ko samjho na haq se juda hai sallallaho alaihe wasallam,

Mohammed ko chaha wo chaha khuda ko Mohammed ko bhula wo bhula khuda ko, Mohammed ko dekha wo dekha khuda hai sallallaho alaihe wasallam,

Mohammed ko samjha wo samjha khuda ko Mohammed ka paya wo paya khuda ko, Sirr-e-Mohammed   Sirr-e-khuda   hai sallallaho alaihe wasallam,

Allah hai dariya nabi bulbula hai nuqte me “Be” ke bhed chupa hai,

Mohammed  hai upar niche khuda hai sallallaho alaihe wasallam,

Meem ka parda utha kar to dheko kaun nabi aur kaun khuda hai,

Mohammed nabi hai Mohammed khuda hai sallallaho alaihe wasallam,

Peer Mohammed  Peer khuda hai Fehmi piya se ye ukdah khula hai,

Har shay me peer hi jalwa numa hai sallallaho alaihe wasallam,

Mohammed ka jalwa hai jalwa khuda ka Mohammed ka banda hai banda khuda ka,

Maroof  ye to haq ki sada hai sallallaho alaihe wasallam,

Madina Munawwara

DAROOD-E-PAAK

Allahumma salleala Mohammadin Ya rabbe sallu alaihi wasallam

Pyare nabi ko haq ne bulaya Arshe bari ko apne sajaya

Apne noor ki chadar bichaya Rab ne nabi ko ispe bithaya

Haq ne khushi se masarda sunaya.........

Allahumma salleala Mohammadin Ya rabbe sallu alaihi wasallam

Noor-e-Mohammed noor-e-khuda hai Shaane Mohammed shaane khuda hai

Deede Mohammed deede khuda hai Sirr-e-Mohammed sirr-e-khuda hai

Saare nabiyon me rutba badhaya.........

Allahumma salleala Mohammadin Ya rabbe sallu alaihi wasallam

Zaahir kabhi hai baatin Mohammed Awwal kabhi hai aakhir Mohammed

Kaise batau ke kya hai Mohammed Har dum who jalwa numa hai Mohammed        

Dono  jahan me saani na saaya.........

Allahumma salleala Mohammadin Ya rabbe sallu alaihi wasallam

Mere nabi hay arsh ki izzat Mere nabi hay farsh ki zeenat

Mere nabi hay rab ki qudrat Mere nabi hay sahib-e-azmat

Noore nabi se sab hay banaya.........

Allahumma salleala Mohammadin Ya rabbe sallu alaihi wasallam

Mere nabi quraan  hai laaye Mere nabi irfaan  hai laaye

Mere nabi  imaan  hai  laaye Mere nabi  nishaan  hai  laaye

Daaman me unke sab kuch hay aaya.........

Allahumma salleala Mohammadin Ya rabbe sallu alaihi wasallam

Taaj-e-shifa’at pahen ke aaye Shaan-e-nabu’uat saath me laaye                    

Karne imamat farsh pe aaye Dars-e-tariqat sab ko padhaaye

Farsh pe arsh ka naksha dikhaaya.........

Allahumma salleala Mohammedun Ya rabbe sallu alaihi wasallam

Kahi bane woh Aadam safi hai   Kahi bane woh Nuhe Nabi hai

Kahein bane woh Musa nabi hai Kahein bane woh Maula Ali hai

“Meem” key parde me kiya kiya chupaya.........

Allahumma salleala Mohammadin Ya rabbe sallu alaihi wasallam

Pyare nabi ke sadqe me maula Aale nabi ke sadqe me maula

Ibn-e-Ali ke sadqe me maula Apne wali key sadqe me maula

“bakhsh de hum ko bhi tu Khudaya.........

Allahumma salleala Mohammadin Ya rabbe sallu alaihi wasallam

Fehmi piya ke saaye me aaya Noore nabi ko inme hai paaya

Allah Nabi se dum ko sajaaya Salleala se jhula jhulaaya

Maroof noor ka sajda karaaya.........

Madina Sharif

 

MOHAMMED SALLALLAHO ALAIHE WASALLAM AAGAYE HAI

Masjid-e-Nabvi

Huro malaika dhoom machaye salleala ko sunaye Mohammed aagaye hay

Amina bi ke bal bal jaye noor se ghar ko sajaye Mohammed aagaye hai

Rab ke  piyare hai naam Mohammed paagaye

Noore khuda ka jalwa banke jagme aagaye

Khushbu se aalam mehkaye rehmat ko barsaaye Mohammed aagaye

Arshe bari ko aaj noor se haq ne sajayaa diya

Farshe zameen ka bhi rutba rab ne badhadiya

Rehmat-e-haq bhi wari jaye Allah sadkah lutaye Mohammed aagaye hai

Rukh pe nabi ke mere noore khuda ka jamal hai

Har  ek   kamal   wala   paaye   inse   kamal   hai 

Aise nabi ko jo bhi paaye kyu na woh itraye Mohammed aagaye hai

Noor ka jhula jab daste haq ne bana diya

Noor ka bistar bhar haq ne isme bicha diya

Noor ki dori isme lagaye jhula nabi ko jhulaye Mohammed aagaye hai

Saare payamber me aap ka aala mukaam hai

Rab ka har wali aap ke dar ka gulam hai

Aap ke dar se rutba paaye pal me wali hojaye Mohammed aagaye hai

Aalam-e-arwah ka maujzah hai ye bakhuda

Saf baa’adab khade the sare ambiya-o-aoliya

Gause aazam kandha lagaye khwaja sar ko jhukaye Mohammed aagaye hai

Fehmi piya ka jab noori silsila milgaya

Dono jahan ka aaj hum ko wasila milgaya 

Kalma banke damme aaye har damme kehlaaye Mohammed aagaye hai

Unpe daroo’do ka bhejo tohfa piyaar se

Roshan hum bhi hai maroof issi sarkar se 

Ishq-e-nabi ki shama jalaye noore nabi me nahaye  Mohammed aagaye hai

SIFAAT-E- MOHAMMED SALLALLAHU ALAIHE WASALLAM

Sifaat-e-khuda hai sifaat-e-Mohammed Sallallaho alaihe wasallam

Khuda khud hai goya bazaat-e-Mohammed Sallallaho alaihe wasallam

Khudayee bhi raksaa hai chaaro hurf me

Zahur-e-do aalam sifaat-e-Mohammed Sallallaho alaihe wasallam

Mohammed hi wahdat Mohammed hi kasrat

Khuda khud hai zaahir bazaat-e-Mohammed Sallallaho alaihe wasallam

Woh noor-e-haqeeqi hai noor-e-mujassam

Zara khud me dekho sifaat-e-Mohammed Sallallaho alaihe wasallam

Woh Mehbood ban kar hai zer-e-zameen me

Khula hum pe uqdah mama’at Mohammed Sallallaho alaihe wasallam

Madine ki mitti ka sadqah hai sab kuch

Mili peer fehmi hayat-e-Mohammed Sallallaho alaihe wasallam

Tassawur me aane lage hai Mohammed Sallallaho alaihe wasallam

Aye maroof padhlo salaat-e-Mohammed Sallallaho alaihe wasallam

Madina Munawwara

MOHAMMED KHUDA HAI

Kalma-e-Tayyaba

Mohammed khuda hai khuda hai Mohammed

Khuda se bata kab Juda hai Mohammed

Khuda noore Ahmed se roshan hua hai

Haqeeqat me haq ki ziya hai Mohammed

Libase Mohammed hai baatin me Allah

Khuda banke jalwa numa hai Mohammed

Gaye laa makaa me hai pal me Mohammed

Makaa laa ’makaa ka pata hai Mohammed

Har ek zarra-zarra gawa bangaya hai

Khula raaz haq-ul-wara hai Mohammed

Mohammed hai zaahir Mohammed hai baatin

Mohammed hi jalwa numa hai Mohammed

Mile peer Fehmi Mohammed ke ghar se

Bataye hame raaz Kya hai Mohammed

Mohammed ka naksha hai aankho me maroof

Ke dil ka wazifa bana hai Mohammed

SHAHADAT-E-HUSAIN Raziallahuta’ala anhu

Sabr-e-Husain ka dekho nazara

Teen din ka bhuka pyasa Ali ka dulara

Noor-e-nabi aap hai

Ibn-e-Ali aap hai

Lakht-e-jigar Fatima

Dilbar -e- Hasan aap hai

Panjatan ka, tum se hi

Ye naksha hai pyara

Ummat ka gham tha qawi

Dube the pyare nabi Sallallaho alaihe wasallam

Aansu ki thi ek jhadi

Imam Hussain Dargah Sharif

Bole phir ibn-e-Ali

Ek din bakhshaa hi lenge

 wa’ada hai hamara

Likha khuda ka aagaya

Karbala ka din aagaya

Bahattar ka ye qafila

Aagosh-e-gham aagaya

Tapte sehra me tha

woh Mohammed ka pyara

Noor-e-nabi ki chamak

Sher-e-khuda ki  jhalak

Saif-ul-allah thi haath me

Tharra gaya ye falak

Jis taraf talwar thi

Tharraya aalam saara

Aayi Nida ghaib se

Waada-e-wafa kijiye

Mazar-e-Mukaddas Imam Hussain R.D.A

Sajde me Ibn-e-Ali

Sar ko kata dijiye

Ummat ki khatir nibhaya

Waada nyara

Teero se channi Husain

Teghon se zakhmi Husain

Neze pe sar the Husain

Sunte the sab ki Husain

Karbala bhi cheenkh uthi

Dekh kar nazara

Sakina ki aas ho

Zainab ki laaj ho

Chacha ho kaasim ke tum

Shahido ke sartaaj ho

Aabedin bole

Pyaare baba hamara

Aisa na sajdah kiyaa abtak kisne kabhi

Bhule gi na zameen phir aisa sajdah kabhi

Aaj bhi hai taazah dekhu sajdah tumhara

Imam_Hussain_Shrine

Ramze shahaadat hai ye

Fehmi inaayat hai ye

Ummat ko tha bakhshana

Kaisi hikmat hai ye

Ek sajdah ke liye tha

Karbalaa ye saaraa

Maroof shahadat husain

khune jigar se likhe

Hum hai ghulame husain

jaari hai ye silsile

Waqte akhir hum ko bhi ho

Aap ka nazara

Manqabat Ghausulwara

Gause Aazam R.A.

Baghdad wale aaqa parda zara hatao

Mehfil me apni aao bigdi meri banao

 Sar pe hai taj  tera haato me paak daaman

 Sadqe me "Busaeed" ke meri ghairiyat mitao

Hai tumhara haat mera, mera haat hai tumhara

Ye quraan keh raha hai naadaan ko batao

Hai nazre tumhari kaba hai tumhara dil madina

tum noor ho sarapaa mujhe noor me milao

Sab aafate balaye bimari har mitegi

Gausulwara ka narah dil se zara lagao

Tere naam ki hai nisbat jo mai Quadri bana hu

Rakho laaj Quadri ki nisbat ko tum nibhao

Hai chiraage Quadri hum roshan hai dono aalam

Is roshani me aaya roshan use banao

Gyara adad me raaze Gausulwara chupa hai

Tum raaz ko ye paakar sar ko wahi jhukao

Pirane peer bole laa khauf aye murido

Himmat agar hai tum me hum se nazar milao

Noorani silsila hai Fehmi piya ka mere

Nisbat ki khak me ab Rehmat ke gul khilao

Ye Gaus ki ataa hai ye Gaus ka karam hai

Sarkar jis ko chaho Maroof use banao

Inside Mazar Sharif

Manqabat Ghaus-e -Aazam

Dargah Sharif of Gause Aazam R.A

  

Ghause Aazam dastagir Allah hu Allah

Tum ho peero ke bhi peer Allah hu Allah

Naqsha  pyara hai dilgeer Allah hu Allah

Dozakh ka ab khauf nahi hai na mehshar ka gham

Abdul Qadir Jeelani jab rakhte hai apna bharam

Hum, hai Quadri Faqeer Allah hu Allah

kalma dam me aate hi hum noorani keh laaye

Farshe zameen se arshe bari hum dam me aaye jaaye

kalma Ghaus ki jaageer Allah hu Allah

Ham me dam  hai dam me tum ho tum me noor hai zam

Ham dam ka raaz banke noor hai noor me gum

Laakho murshid ek peer Allah hu Allah

Andha dekhe gunga bole kodi achcha ho jaaye

Laakh karishme ek nazar me Ghaus piya dikhlaaye

Nazre Gaus ki akseer Allah hu Allah

Abd bhi hai Quadir bhi hai Abdul Quadir Jeelani

Allah nabi ke noor se woh ho gaye noorani

Tum ho noor ki tasveer Allah hu Allah

Jaan liya hu maan liya  pehchan liya nazar ko

kharka taaj pahen ke baithe dekhlo idhar ko

ban ke aaye Fehmi peer Allah hu Allah

Aap ki hi nisbat se hum Quadri keh laaye

Banda Maroof aapka sar chaukat pe jhukaaye
Dedo Irfaa ki Jaageer Allah hu Allah

 Mazare Mubarak_Ghaus-e-Pak R.D.A

Manqabat Khwaja Garib Nawaz Rahmatullah Alaih

Dargah Hazrat Khwaja Garib Nawaz R.A

Khwaja hind ke sarkar Allah re Allah

Saare waliyo ke dildar Allah re Allah

Unpe tann mann hai Nisar Allah re Allah

Allah ki surat chupi hai Khwaja ki surat me

Yani dono noor samaye ek hi murat me

Mohini surat me dildar Allah re Allah

Kalme ka Irfaa leke Khwaja hind me aaye

Allah nabi ka raaz saara pal me hai bat laaye

Banda Allah ka Ghar baar Allah  re Allah

Khwaja Khwaja kehte khete Allah ko hum paaye

Aate jaate dam me hum khwaja ko samaaye

Khwaja kehne wale paar Allah re Allah

Andar Khwaja bahar Khwaja Awwal aakhir khwaja

Hu-ul-Murshid Anta-l-Murshid baatin zaahir khwaja

Khud me Khwaja ka deedar Allah re Allah

Had Bole to Khwaja hai unhad bole to Khwaja

Laa makaa ke bich me dekhne ko ajaa

Zarre Zarre me hai yaar Allah re Allah

Maangne wale khade Khwaja tumhare dar par

Usmaan ka sadka mile khawaja tumhare dar par

ooncha noorani darbaar Allah re Allah

Khwaja-e-Fehmi piya bas ek nazar ho sab par

tann mann ki ab jholi bhardo khwaja piya ke dil bar

kardo sab ka beda paar Allah re Allah

Banda nawaazi farmao banda nawaaz khwaja

Ruye zaibaa dikhlao banda Nawaaz Khwaja

Maroof Khwaja ko pukar Allah re Allah

Mazar Sharif Khawaja Garib Nawaz R.A.

Quadri Dhoom



Aastana-e-quadeer





Ghar Ghar me machi dhoom hai Allah Quadir ki

Shohrat hai do jahaan me kaamil Faqeer ki

Aate hai sar jhukane yaha Auliya sabhi

Surat Quadir hogai peerane peer ki



Halkatta bana dekhiye woh Faiz ka shaher

Shaane karimi hai dua dastagir ki



Jalwa Quadiri dekh kar munkir bhi dang hai

Kya shaan hai shaukat hai ye mere Quadir ki

Allah kasam ban gayaa woh waqt ka wali

Jispe inaayat ho gayi roshan zameer ki

Aisa nasha hai jiska utarna mohaal hai

Hum ne sharaab pili hai peerane peer ki

Ab kis ki inaayat ho ab kis ka ho karam

Kafi hai mujpe ek nazar ye Fehmi peer ki

Wasf-e-Quadir Maroof kaise bayaan karu

Milti nahi Nazeer us be nazeer ki     

Sayyed Mohammed Badshah Quadri
Yamni Qadeer R.A.
Halkatta Sharif

Mazar Sharif Hazrat Badshah Quadri